Nomzamo Winnie Madikizela Mandela

(Lizhakandila ḽa mbofholowo) Lufu lwau lwo vunḓa rambo ḽa dzimbilu dzashu Ri tshi elelwa maṱungu e wa hweswa uḽa musi Musi wo ralo u ima u tshi lwela mbofholowo Wa ralo u vha thikho kha Mandela washu. Hanwani hanga ho no vhaswa na mulilo Khana yanga i ri u rungunyela ya dovha Ndi tshi ralo u elelwa mifhirifhiri ye wa imedzana nayo Naho wo ralo u ṱhuvhulwa mathenga a wo ngo wa Wo ima u tshi lwela Afrika Tshipembe. Ngavhe ndi vhe tshibebwa tsha mulovha Ndi u fare nga tshanḓa u tshi ongolela mikosi Mikosi mihulu ya bonyongo ḽa u fhambanywa na Mandela Ngavhe ndi vhe tshibegwa tsha mulovha nandi Ndi musi ndo zwi vhona nga anga maṱo. Vhuhaga hau ro anetshelwa na miṱodzi ya rotha Nge wa lamukisa hashu vhumatshelo Ra ralo u ḓivhiswa u konḓelela hau Khana dza ri u duga dza dovha. Feḓa ḽau ḽo phaḓalala uya he ḽa guma Ambara zwau munene wa vhugwena hau Wo ralo wa nyamalala na Lambamai we a ḓa u u vhidza Nangoho wo fa, a wo ngo fa Muya wau nga u xaxarisane na wa Mandela.

#freedomday #mbofholowo #zwirendo